Gereg app for iPhone and iPad

Монгол Улсад үйл ажиллагаа явуулдаг “Гэрэг” сэтгүүл 2014 оны гуравдугаар сараас үйл ажиллагаа явуулж эхэлсэн. Нийгэм, улс төр, эдийн засаг, урлаг, спорт гээд бүх салбарын мэдээ, мэдээллийг нийтэлдэг.
Хэвлэлийн мониторинг, зах зээлийн судалгаа, тоо баримтууд дэлхий дахинд цаасан хэвлэл цахим руу хурдтай шилжиж буйг харуулсаар байна. Америкийн сэтгүүлийн эдиторуудын нийгэмлэг (ASME)-ийн судалгаагаар өнгөрсөн жил хэвлэмэл сэтгүүлийн борлуулалт 16 хувиар буурч, харин дижитал сэтгүүлийнх 35 хувь буюу хоёр дахин өсөлттэй гарчээ. Цаг үеийн энэхүү шаардлагаар “Гэрэг” сэтгүүл дижитал хувилбарт шилжиж байна.

Сэтгүүлийн дижитал хувилбараар дэлхий дахинд болон Монголд болж буй хамгийн сүүлийн үеийн мэдээ мэдээллийг ойлгомжтой, шинэлэг, шинэ технологид суурилсан байдлаар хүргэхээс гадна баримт судалгаа, мэргэжлийн шинжээчдийн үзэл бодлыг тусгасан аналитик нийтлэл, сурвалжлагуудыг уншигчдадаа хүргэнэ. Видео болон аудио бичлэг, хөдөлгөөнт график, инфографикийг түлхүү оруулж, мультмедиа, интерактив хэлбэрийг чухалчилж байна. Сэтгүүл цахимд шилжсэнээр уншигчид дуртай газраасаа, хүссэн цагтаа гар утас, iPad, зөөврийн компьютертээ үнэ төлбөргүй татаж унших боломж бүрдэнэ.

“Гэрэг” сэтгүүлийнхэн технологийн шийдлүүд, гэрэл зураг, орчуулгын бичвэрүүддээ хууль ёсны copyright эрхтэй байхыг эрмэлзэж байгаа. Энэ чиглэлээр олон улсын болон өөрийн орны мэдээллийн, гэрэл зургийн агентлагуудтай гэрээ хийгээд байна.

© UNLIMITED MEDIA GROUP
http://www.unlimited-media.com